કોમોડિટી બજાર: સોના-ચાંદીમાં દબાણ સાથે કારોબાર, ક્રૂડમાં ઘટાડાની સાથે કારોબાર

મજબૂત ડૉલરના કારણે સોનાની ચમક ઘટતા કોમેક્સ પર ભાવ 2027 ડૉલરના સ્તરની પાસે રહ્યા, તો સ્થાનિક બજારમાં ફ્લેટ ટૂ પોઝિટીવ કામકાજ જોવા મળ્યું છે. વ્યાજ દરોમાં કાપ પર અનિશ્ચિતતાના કારણે અને વેસ્ટ એશિયામાં તણાવ વધતા રાતોરાત સોનાની કિંમતોમાં ઉપલા સ્તરેથી 1 ટકાનો ઘટાડો જોવા મળ્યો.

ચાંદીમાં પણ નરમાશ વધતા વૈશ્વિક બજારમાં ભાવ 23 ડૉલરની પણ નીચે આવ્યા, તો સ્થાનિક બજારમાં લગભગ પા ટકાથી વધુનો ઘટાડો જોવા મળ્યો છે.

ક્રૂડમાં વોલેટાઈલ વધતા અંતે દબાણ બનતું જોવા મળ્યું. જ્યા આજે ફરી બ્રેન્ટમાં ઉપલા સ્તરેથી ઘટાડો આવતા કિંમતો ફરી 77 ડૉલરની નીચે આવી, તો NYMEX ક્રૂડમાં 71 ડૉલરની નીચે કામકાજ જોવા મળ્યું, વેસ્ટ એશિયામાં તણાવ વધતા અને ગ્લોબલ માગ આઉટલૂક નબળું હોવાથી કિંમતો પર અસર જોવા મળી છે.

શરૂઆતી કારોબારમાં નેચરલ ગેસમાં આશરે 4 ટકાની આસપાસની વેચવાલી સાથે 234ના સ્તરની આસપાસ કારોબાર જોવા મળ્યો.