કોમોડિટી બજાર: સોના-ચાંદીમાં દબાણ સાથે કારોબાર, ક્રૂડમાં વધારા સાથે કારોબાર

સોનું હાઈ રેકોર્ડથી ફરી નીચે આવતું જોવા મળી રહ્યું છે પણ સોનામાં ફ્લેટ તેજી સાથે 2000 ડૉલરના સ્તર પર યથાવત્ જોવા મળી રહ્યું છે. તો સ્થાનિક બજારમાં પણ ફ્લેટ કામકાજ જોવા મળ્યું છે.

તો સોનાના પગલે ચાંદીમાં પણ દબાણ બનતુ જોવા મળી રહ્યું છે. જ્યાં ચાંદી પર 7 મહિનાની તેજી પર રોક લાગતી જોવા મળી રહી છે. વૈશ્વિક બજારમાં ચાંદીની કિંમતો અડધા ટકાના દબાણ સાથે 24 ડૉલર પર યથાવત્ જોવા મળી રહી છે. સ્થાનિક બજારમાં પણ અડધા ટકાની નરમાશ આવતી જોવા મળી રહી છે. ઉલ્લેખનીય છે કે ચાંદીની કિંમતોમાં રાતો રાત 3.5 ટકાનો ઘટાડો આવતો જોવા મળી રહ્યો છે.

ક્રૂડ ઓઈલમાં ફરી નીચેના સ્તરેથી રિકવરી આવતી જોવા મળી રહી છે જ્યાં બ્રેન્ટની કિંમતો 78 ડૉલરને પાર જોવા મળી તો NYMEXમાં અડધા ટકાની તેજી સાથેનો કારોબાર જોવા મળ્યો. જ્યારે સ્થાનિક બજારમા ફ્લેટ ટુ નેગેટિવ કારોબાર જોવા મળ્યો.

સ્થાનિક બજારમાં નેચરલ ગેસમાં તેજી સાથેનો કારોબાર યથાવત્ જોવા મળી રહ્યો છે. જ્યાં બે ટકાની તેજી સાથે કિંમતો 228ને પાર જાતી જોવા મળી રહી છે.