કોમોડિટી બજાર: સોના-ચાંદીમાં દબાણ સાથે કારોબાર, ક્રૂડમાં વધારા સાથે કારોબાર

ગઈકાલના ઉપલા સ્તરેથી સોનાની ચમક ઘટતા કોમેક્સ પર સોનું 2040 ડૉલરના સ્તરની પાસે આવ્યું, તો સ્થાનિક બજારમાં પા ટકાના ઘટાડા સાથે સોનામાં 62,337ના સ્તરની નજીક કારોબાર જોવા મળી રહ્યો છે.

ચાંદીમાં પણ દબાણ સાથે વૈશ્વિક બજારમાં આશરે એક ટકાની નરમાશ સાથે 23 ડૉલરની પાસે કારોબાર રહ્યો, તો સ્થાનિક બજારમાં પણઅડધા ટકાના દબાણ સાથેનો કારોબાર જોવા મળ્યો.

મિડલ ઇસ્ટમાં તણાવ વધતા સપ્લાય ઘટવાની આશંકાએ ક્રૂડની કિંમતોમાં ફરી તેજી જોવા મળી, જ્યાં બ્રેન્ટનો ભાવ 79 ડૉલરની નજીક પહોંચ્યા, તો NYMEX ક્રૂડમાં 73 ડૉલરની ઉપર કારોબાર જોવા મળ્યો.

શરૂઆતી કારોબારમાં સ્થાનિક બજારમાં નેચરલ ગેસમાં દોઢ ટકાની તેજી સાથે 250ના સ્તરની આસપાસ કારોબાર જોવા મળ્યો.