કોમોડિટી બજાર: સોના-ચાંદીમાં રિકવરી સાથે કારોબાર, ક્રૂડમાં ઘટાડા સાથે કારોબાર

યૂએસ મોંઘવારીનાં આંકડા પહેલા સોનાની કિંમતોમાં રિકવરી જોવા મળી, જ્યાં કોમેક્સ પર અડધા ટકાની તેજી સાથે કિંમતો 1965ના સ્તરની આસપાસ પહોંચતી જોવા મળી, તો સ્થાનિક બજારમાં 59,800ના સ્તરની પાર કારોબાર થઈ રહ્યો છે.

ચાંદીમાં પણ રિકવરી સાથેનો કારોબાર જોવા મળ્યો, જ્યાં વૈશ્વિક બજારમાં અડધા ટકાથી વધારેની મજબૂતી જોવા મળી, તો સ્થાનિક બજારમાં 73,400ને પાર કિંમતો પહોંચી જોવા મળી રહી છે.

ક્રૂડ ઓઈલમાં મોટા ઘટાડા બાદ અંતે ખરીદદારી સાથેનો કારોબાર જોવા મળ્યો. જ્યાં બ્રેન્ટમાં નીચેના સ્તરેથી સારી રીકવરી આવતી જોવા મળી. બ્રેન્ટમાં શરૂઆતી કારોબારના દબાણ બાદ સવા બે ટકાની તેજી સાથે કિંમતો 73 ડૉલરને પાર જતી જોવા મળી રહી છે. ત્યારે NYMEXમાં ડૉલર ઇન્ડેક્સમાં દબાણના કારણે તેજી યથાવત્ જોવા મળી રહી છે NYMEX ક્રૂડ પોણા બે ટકાની તેજી સાથે 68 ડૉલર પર કારોબાર કરતુ જોવા મળી રહ્યું છે.

નેચરલ ગેસમાં ખરીદીનો માહોલ યથાવત્. સ્થાનિક બજારમા અડધા ટકા ઉપરની તેજી સાથે કિંમતો 188ના સ્તરની આસપાસ પહોંચી.