કોમોડિટી બજાર: સોના-ચાંદીમાં મજબૂતી સાથે કારોબાર, ક્રૂડમાં વધારા સાથે કારોબાર

વેસ્ટ એશિયામાં ભૌગોલિક તણાવ વધતા સોનાને સેફ હેવન બાઈંગનો સપોર્ટ મળી રહ્યો છે, જ્યાં કોમેક્સ પર ભાવ 2084 ડૉલરની ઉપર પહોંચતા દેખાયા, તો સ્થાનિક બજારમાં 63586ના સ્તરની આસપાસ કારોબાર જોવા મળ્યો, ઉલ્લેખનિય છે કે આ વર્ષે પણ ઇઝરાયેલ અને હમાસ વચ્ચે તણાવની સ્થિતી જોવા મળે, તો બજારની નજર આજે આવનાર યૂએસના મેન્યુફેક્ચરિંગ પીએમઆઈ આંકડાઓ અને શુક્રવારે જાહેર થનાર યૂએસના નોન-ફાર્મ પેરોલના ડેટા પર બનેલી છે.

ચાંદીમાં પણ પોઝિટીવ કારોબાર છે, અહીં વૈશ્વિક બજારમાં 24 ડૉલરની પાસે કારોબાર રહ્યો, તો સ્થાનિક બજારમાં 74,696ના સ્તરની આસપાસ કિંમતો જોવા મળી રહી છે.

ક્રૂડ ઓઈલ શરૂઆતી કારોબારની તેજીને જાળવી રાખવામાં સફળ રહ્યું. બ્રેન્ટના ભાવ 78 ડૉલરની ઉપર પહોંચ્યા, તો NYMEX ક્રૂડમાં પણ આશરે 1 ટકાથી વધુની તેજી જોવા મળી. રેડ-સી પર તણાવ વધતા કિંમતોને સપોર્ટ મળ્યો, સપ્તાહના અંતે, યૂએસ નેવીએ રેડ-સીમાં એક કન્ટેનર જહાજ પર હુમલો કર્યાના સમાચાર બાદ ક્રૂડમાં વોલેટાલિટી વધી, તો બીજી તરફ બજારની નજર આ સપ્તાહે આવનાર ઇન્વેન્ટરીના આંકડાઓ પર બનેલી છે.

સ્થાનિક બજારમાં નેચરલ ગેસમાં સવા બે ટકાની તેજી સાથે 219ની કિંમતો જોવા મળી રહી છે.