કમોડિટી લાઈવ: ક્રૂડની તેજી પર લાગી બ્રેક, દર વધવાની આશંકાએ સોના-ચાંદી સુસ્ત

સોનામાં ફ્લેટ કારોબાર જોવા મળ્યો. જ્યાં શરૂઆતી બજારમાં comex પર અને સ્થાનિક બજાર બંનેમાં મામૂલી દબાણ બનતું જોવા મળ્યું હતું. જે બાદ સ્તર આસપાસ કારોબાર જોવા મળ્યો. ઉલ્લેખનીય છે કે US ડૉલર અને ટ્રેઝરી યીલ્ડમાં વધારાથી સોનાની કિંમતો તૂટતી જોવા મળઈ રહી છે. તો હવે બજારની નજર ગુરૂવારે આવનારા US CPI આંકડા પર રહેશે.

સોનાના પગલે ચાંદીમાં પણ સુસ્ત કારોબાર જોવા મળ્યાં. જ્યાં વૈશ્વિક બજારમાં મામૂલી નરમાશ સાથે કિંમતો 24 ડૉલર નીચે યથાવત્ રહેતી જોવા મળી. તો સ્થાનિક બજારમાં કિંમતો 71210ની આસપાસ કારોબાર કરતી જોવા મળી.

બેઝ મેટલ્સ તરફથી મિશ્ર સંકેતો મળી રહ્યા છે. જ્યાં સ્થાનિક બજારમાં શરૂઆતી કારોબારમાં લેડમાં રિકવરી હતી, પણ એલ્યુમિનિયમ, કોપર અને ઝિંકમાં દબાણ યથાવત્ રહેતું જોવા મળ્યું. lme પર પણ મજબૂત ડૉલરની અસર જોવા મળી રહી છે.

સમર સિઝન અટકતા ક્રૂડમા ઉપલા સ્તરેથી નરમાશ જોવા મળી, જ્યાં બ્રેન્ટના ભાવ 4 મહિનાના ઉપલા સ્તરેથી ઘટી ફરી 85 ડૉલરની પાસે આવ્યા, તો NYMEX ક્રૂડમાં 82 ડૉલરની આસપાસ કારોબાર જોવા મળી રહ્યો છે, તો સ્થાનિક બજારમાં પણ ફ્લેટ ટૂ નેગેટીવ સંકેતો મળી રહ્યા છે. આ સાથે જ સાઉદી અરબ અને રશિયા સપ્ટેમ્બર સુધી સપ્લાયમાં કાપ કરે તેવા સમાચારથી કિંમતો પર દબાણ વધી રહ્યું છે.