કમોડિટી લાઇવ: ક્રૂડની ત્રીજા સપ્તાહે પણ નબળી શરૂઆત, સોના-ચાંદીમાં નરમાશનો ટ્રેન્ડ

US અને ચાઈના તરફથી નબળી માગની આશંકાએ ક્રૂડમાં સતત ત્રીજૂ સપ્તાહ નરમાશ સાથે શરૂ થયું, જ્યાં શુક્રવારની તેજી ધોવાતા બ્રેન્ટના ભાવ 81 ડૉલરની નીચે પહોંચ્યા, તો NYMEX ક્રૂડમાં અડધા ટકાથી વધુનો ઘટાડો જોવા મળ્યો, સ્થાનિક બજારમાં પણ દબાણ બની રહ્યું છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતોમાં 1 ટકાથી વધુની તેજી સાથે 258ના સ્તરની આસપાસ કારોબાર જોવા મળી રહ્યો છે.

સેફ હેવન બાઈંગ ઘટતા સોનામાં પણ દબાણ સાથેના કારોબારની શરૂઆત થઈ, જ્યાં COMEX પર ભાવ 2000ના સ્તરની નીચે યથાવત્ છે, તો સ્થાનિક બજારમાં ફ્લેટ ટૂ નેગેટીવ કામકાજ થઈ રહ્યું છે.

સોનાને પગલે ચાંદીમાં પણ દબાણ યથાવત્ છે, અહીં વૈશ્વિક બજારમાં કિંમતો 22 ડૉલરની પણ નીચે આવતી દેખાઈ, તો સ્થાનિક બજારમાં પણ આશરે અડધા ટકાનો ઘટાડો જોવા મળી રહ્યો છે.