કમોડિટી લાઇવ: ક્રૂડમાં તેજી યથાવત્, બ્રેન્ટ $93ની પાસે, સોના-ચાંદીની ચમક ઘટી

સ્થાનિક માર્કેટમાં સ્થિરતા લાવવા મોસ્કોએ ક્રૂડ અને ગેસોલિનની નિકાસ પર કામચલાઉ પ્રતિબંધ જાહારે કર્યો હોવાથી ગ્લોબલ માર્કેટમાં સપ્લાયની ચિંતા વધી, સાથે જ વ્યાજ દરમાં ધારાથી માગ નબળી પડવાના ડરથી પણ ક્રૂડની કિંમતોમાં ઉછાળો જોવા મળ્યો, જ્યાં બ્રેન્ટમાં ભાવના સ્તરની પાસે પહોંચ્યા, તો NYMEX ક્રૂડમાં ના સ્તરની આસપાસ કારોબાર જોવા મળી રહ્યો છે. ઉલ્લેખનિય છે કે, ચોથા ક્વાર્ટરમાં ક્રૂડ પુરવઠાની વ્યાપક ખાધના અનુમાને પાછલા ત્રણ અઠવાડિયામાં કિંમતોમાં 10% થી વધુનો વધારો નોંધાયો છે. આ સાથે જ USની ઓઈલ રિગ કાઉન્ટમાં પણ ઘટાડો જોવા મળ્યો છે, તો બીજી તરફ સપ્ટેમ્બરમાં ચાઈનાની મેન્યુફેક્ચરિંગ એક્ટિવિટીમાં વધારો થાય તેવા અનુમાન બની રહ્યા છે.

સ્થાનિક બજારમાં નેચરલ ગેસમાં ફ્લેટ ટૂ પોઝિટીવ કામકાજ સાથે 219ના સ્તરની આસપાસ કારોબાર જોવા મળી રહ્યો છે.

મજબૂત ડૉલર અને બોન્ડ યીલ્ડના કારણે સોનાની ચમક ઘટતા COMEX પર ભાવ 1923 ડૉલરના સ્તરની આસપાસ પહોંચ્યા, જ્યારે સ્થાનિક બજારમાં ફ્લેટ ટૂ નેગેટીવ કારોબાર સાથે 58,905ના સ્તરની આસપાસ કારોબાર જોવા મળી રહ્યો છે. ઉલ્લેખનિય છે કે USમાં વ્યાજ દર વધવાની આશંકાએ કિંમતો પર દબાણ બની રહ્યું છે.

સોનાને પગલે ચાંદીમાં પણ નાની રેન્જમાં કારોબાર રહ્યો, જ્યાં વૈશ્વિક બજારમાં ભાવ 24 ડૉલરની નીચે યથાવત્ છે, તો સ્થાનિક બજારમાં 73,214ના સ્તરની આસપાસ કારોબાર જોવા મળી રહ્યો છે.