કોમોડિટી લાઇવ: સોના-ચાંદીમાં રેન્જબાઉન્ડ કામકાજ, ક્રૂડમાં ઘટાડો યથાવત્

સોનાની કિંમતોમાં ઉતાર-ચઢાવ જોવા મળ્યા, જ્યાં ચાઈના તરફથી માગ વધવાની આશાએ comex પર ભાવ 2007 ડૉલરના સ્તરની ઉપર પહોંચ્યા, તો સ્થાનિક બજારમાં 61,569ના સ્તરની આસપાસ કારોબાર જોવા મળી રહ્યો છે.

10 વર્ષિય US યીલ્ડ 5 સપ્તાહના ઉપલા સ્તરે પહોંચી. અમેરિકામાં રિટેલ વેચાણ વધતા યીલ્ડમાં તેજી દેખાણી. ફેડ ગવર્નર ક્રિસ્ટોફર વૉલરના નિવેદનથી ભાવ વધ્યા. ક્રિસ્ટોફર વૉલરે કહ્યુ કે દરોમાં મોટા કાપની જરૂર નથી.

ચાંદીમાં પણ નીચલા સ્તરેથી રિકવરી આવી, તેમ છતા વૈશ્વિક બજારમાં ભાવ 23 ડૉલરની નીચે રહ્યા, તો સ્થાનિક બજારમાં 71,524ના સ્તરની આસપાસ કારોબાર જોવા મળી રહ્યો છે.

ડૉલર ઇન્ડેક્સમાં પોઝિટીવિટી અને ચાઈનાના નબળા આર્થિક આંકડાઓના કારણે બેઝ મેટલ્સમાં પણ નાની રેન્જમાં કામકાજ જોવા મળ્યું, જ્યાં સ્થાનિક બજારમાં કોપર સિવાય તમામ મેટલ્સમાં નાની રેન્જમાં કારોબાર રહ્યો.