કોમોડિટી લાઇવ: સોના-ચાંદીમાં નીચલા સ્તરેથી રિકવરી, બેઝ મેટલ્સમાં મિશ્ર કામકાજ

સોનામાં રિકવરી આવતા કિંમતો 5 મહિનાના નીચલા સ્તરેથી સુધરી અને COMEX પર ફરી 1900 ડૉરના સ્તરની આસપાસ કારોબાર નોંધાયો, આ સાથે જ સ્થાનિક બજારમાં 58,575ના સ્તરની આસપાસ ફ્લેટ ટૂ પોઝિટીવ કામકાજ જોવા મળી રહ્યું છે. બજારની નજર હવે US ફેડના ભાષણ પર બનેલી છે.

સોનાને પગલે ચાંદીમાં પણ નીચલા સ્તરેથી રિકવરી જોવા મળી, જ્યાં વૈશ્વિક બજારમાં કિંમતો સાડા 23 ડૉલરની ઉપર આવતી દેખાઈ, તો સ્થાનિક બજારમાં ભાવ 72,230ના સ્તરની આસપાસ પહોંચતા દેખાઈ રહ્યા છે.

બેઝ મેટલ્સ તરફથી મિશ્ર સંકેતો મળી રહ્યા છે, અહીં સ્થાનિક બજારમાં લેડ સિવાય તમામ મેટલ્સમાં મજબૂતી રહી, LME પર પણ ચાઈના તરફથી માગ વધવાની આશાએ કોપરની કિંમતોમાં તેજી સાથેનો કારોબાર જોવા મળી રહ્યો છે. ઉલ્લેખનિય છે કે, ચાઈનાએ 12 પ્રાંતોને યુઆન સ્પેશિયલ ફાઈનાન્સિંગ બોન્ડ આપવાની મંજૂરી આપી છે, જેની પણ પોઝિટીવ અસર કિંમતો પર દેખાઈ રહી છે.

સાઉદી અસર અને રશિયા તરફથી ઉત્પાદન કાપના નિર્ણય બાદ સપ્લાયની ચિંતા વધતા ક્રૂડમાં નીચલા સ્તરેથી રિકવરી જોવા મળી, જ્યાં બ્રેન્ટમાં 84 ડૉલરની ઉપર કારોબાર નોંધાયો, તો NYMEX ક્રૂડમાં પણ 79 ડૉલરની ઉપર કિંમતો પહોંચતી દેખાઈ રહી છે. પણ સ્થાનિક બજારમાં નેગેટીવ કામકાજ થઈ રહ્યું છે...ઉલ્લેખનિય છે કે, APIના રિપોર્ટ મુજબ USની સાપ્તાહિક ઇન્વેન્ટરીમાં ઘટાડો આવતા ક્રૂડની કિંમતોને સપોર્ટ મળી રહ્યો છે.