Tomatoes Price Today: ટામેટાના ભાવે બનાવ્યો નવો રેકોર્ડ, આ રાજ્યમાં પહોંચ્યો 250 રૂપિયા પ્રતિ કિલોનો ભાવ

Tomatoes Price Today: દેશના મોટા શહેરોમાં ટામેટાંના રિટેલ ભાવ 155થી 160 રૂપિયા પ્રતિ કિલો સુધી પહોંચી ગયા છે. ઉત્પાદક રાજ્યોમાં વરસાદને કારણે પુરવઠો ખોરવાતા ટામેટાના ભાવમાં વધારો થયો છે. કેટલાક દિવસોથી મુખ્ય મંડીઓમાં ટામેટાના ભાવ 120 થી 130 રૂપિયા પ્રતિ કિલોના સ્તરે રહ્યા છે. જ્યારે કેટલીક રિટેલ બજારમાં 160 થી 180 કિલોના ભાવે વેચાઈ રહ્યા છે, જેના કારણે સામાન્ય માણસ ભાવ પૂછીને જ આગળ વધે છે. શાકભાજી વિક્રેતાઓનું કહેવું છે કે વરસાદના કારણે શાકભાજીના ભાવમાં વધારો થયો છે.

હાલમાં ઉત્તરાખંડમાં ટામેટાના ભાવ રેકોર્ડ તોડી રહ્યા છે. ગંગોત્રી ધામમાં ટામેટાં 250 રૂપિયા પ્રતિ કિલો અને ઉત્તરકાશી જિલ્લામાં 180 થી 200 રૂપિયા પ્રતિ કિલોના ભાવે મળે છે. એક શાકભાજી વિક્રેતાએ જણાવ્યું કે પ્રદેશમાં ટામેટાં અચાનક મોંઘા થઈ ગયા છે.

રાકેશ નામના શાકભાજી વિક્રેતાએ ન્યૂઝ એજન્સી ANIને જણાવ્યું હતું કે, "ઉત્તરકાશીમાં ટામેટાના વધતા ભાવનો ભોગ ગ્રાહકો ભોગવી રહ્યા છે. લોકો તેને ખરીદવા પણ તૈયાર નથી. ગંગોત્રી અને યમુનોત્રીમાં ટામેટાં 200 થી 250 રૂપિયા પ્રતિ કિલો મળી રહ્યા છે." છે." ઘણા લોકોએ શાકભાજીના ભાવમાં તીવ્ર વધારો માટે મુખ્ય ટામેટાં ઉગાડતા પ્રદેશોમાં ભારે વરસાદને આભારી છે, જેના કારણે પુરવઠો ખોરવાયો છે.

અન્ય રાજ્યોમાં ટામેટાના ભાવ