Anant Ambani Radhika Merchant Wedding: ભારતના સૌથી ધનિક વ્યક્તિ અને રિલાયન્સ ઈન્ડસ્ટ્રીઝના સીએમડી મુકેશ અંબાણીના ઘરે શહેનાઈ વાગવા જઈ રહી છે. તેમનો નાનો પુત્ર અનંત અંબાણી રાધિકા એન્કોર હેલ્થકેરના સીઈઓ વિરેન મર્ચન્ટની પુત્રી રાધિકા મર્ચન્ટ સાથે લગ્ન કરવા જઈ રહ્યો છે. એવું કહેવામાં આવી રહ્યું છે કે લગ્ન સમારોહમાં 1000 મહેમાનો હાજરી આપશે. ફેસબુકના સ્થાપક માર્ક ઝકરબર્ગ, માઇક્રોસોફ્ટના સહ-સ્થાપક બિલ ગેટ્સ અને એડોબના સીઇઓ શાંતનુ નારાયણ હાજરી આપશે.
Anant Ambani Wedding: અનંત અંબાણીના લગ્નમાં 9 CEO આપશે હાજરી, બિલ ગેટ્સ અને કતરના PMનું નામ પણ ગેસ્ટ લિસ્ટમાં
Anant Ambani Radhika Merchant Wedding: રિલાયન્સ ઈન્ડસ્ટ્રીઝના સીએમડી મુકેશ અંબાણીના નાના પુત્ર અનંત અંબાણી લગ્ન કરવા જઈ રહ્યા છે. આવો અમે તમને જણાવીએ તેમના લગ્નના ફંક્શનમાં આવેલા મહેમાનોના નામ.
MoneyControl Newsઅપડેટેડ Feb 23, 2024 પર 11:50 AM
લગ્ન ક્યારે?
અનંત અંબાણી અને રાધિકા મર્ચન્ટના લગ્ન 12 જુલાઈએ મુંબઈમાં થશે. પરંતુ, પ્રી-વેડિંગ ફંક્શન્સ 1 માર્ચથી 3 માર્ચ દરમિયાન ગુજરાતના જામનગરમાં થશે. ઈકોનોમિક ટાઈમ્સના અહેવાલ મુજબ, લગ્ન પહેલાના ફંક્શનમાં મોર્ગન સ્ટેનલીના સીઈઓ ટેડ પિક, ડિઝનીના સીઈઓ બોબ ઈગર, બ્લેકરોકના સીઈઓ લેરી ફિંક, એડનોકના સીઈઓ સુલતાન અહેમદ અલ જાબેર અને EL રોથચાઈલ્ડના ચેરમેન લીન ફોરેસ્ટર ડી રોથચાઈલ્ડ હાજરી આપશે.
કતરના વડાપ્રધાનનું નામ પણ ગેસ્ટ લિસ્ટમાં
આ ઉપરાંત બેન્ક ઓફ અમેરિકાના ચેરમેન બ્રાયન થોમસ મોયનિહાન, બ્લેકસ્ટોન ચેરમેન સ્ટીફન શ્વાર્ઝમેન, કતરના વડાપ્રધાન મોહમ્મદ બિન અબ્દુલ રહેમાન બિન જસીમ અલ થાની, એડોબના સીઈઓ શાંતનુ નારાયણ, લુપા સિસ્ટમ્સના સીઈઓ જેમ્સ મર્ડોક, હિલહાઉસ કેપિટલના સ્થાપક ઝાંગ લેઈ પણ ગેસ્ટ લિસ્ટમાં સામેલ છે.
પરફોર્મ કરશે આલિયા-રણબીર!
આલિયા, રણબીર અને અનંતનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયો સામે આવ્યા બાદ અનુમાન લગાવવામાં આવી રહ્યું છે કે રણબીર અને આલિયા અનંતના લગ્નમાં પરફોર્મ કરવા જઈ રહ્યા છે. હજુ સુધી આની પુષ્ટિ થઈ નથી. પરંતુ આ વીડિયોમાં અનંત રણબીર અને આલિયાને સ્થળની વિગતો આપતા જોવા મળે છે.
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.