Ayodhya Ram Mandir: રામલલાની અદભૂત તસવીરના કરો દર્શન, સાથે જાણો ખાસિયત

Ayodhya Ram Mandir: રામલલાના ચહેરાની અદભુત અને સંપૂર્ણ તસવીર સામે આવી છે. જેમાં રામલલાના માથા પર મુગટ છે અને હાથમાં ધનુષ અને બાણ છે. મૂર્તિને ફૂલોના માળા અને ઝવેરાતથી શણગારવામાં આવી છે. આ પ્રતિમામાંથી આસ્થા અને આધ્યાત્મિકતાની ઝલક સ્પષ્ટ દેખાય છે. જે રામ ભક્તોને પહેલી નજરે જ આકર્ષે છે. ભગવાન રામના કપાળ પર લગાવેલું તિલક સનાતન ધર્મની મહાનતા દર્શાવે છે.

મૂર્તિમાં સૂર્ય, ઓમ, ગણેશ, ચક્ર, શંખ, ગદા, સ્વસ્તિક અને હનુમાનજીની મૂર્તિઓ છે. શિલ્પકાર અરુણ યોગીરાજે રામલલાની આ મૂર્તિને દિવ્ય અને ભવ્ય બનાવી છે. રામ મંદિરના ગર્ભગૃહમાં હાજર રામલલાની મૂર્તિમાં અનેક વિશેષતાઓ છે.

શ્યામ શિલાની ઉંમર હજારો વર્ષ છે, તે પાણી પ્રતિરોધક છે, મૂર્તિની ચમક ચંદનથી પ્રભાવિત થતી નથી. રામલલાની મૂર્તિની પગના અંગૂઠાથી કપાળ સુધીની કુલ ઊંચાઈ 51 ઈંચ છે. મૂર્તિનું વજન 150 થી 200 કિલો જેટલું છે. મૂર્તિ પર મુગટ શોભે છે. શ્રી રામના હાથ ઘૂંટણ સુધી લાંબા છે. માથું સુંદર અને આંખો મોટી છે. કપાળ ભવ્ય છે. મૂર્તિ કમળના તળાવ પર સ્થાયી મુદ્રામાં છે.

રામલલાના હાથમાં ધનુષ્ય અને તીર છે, 5 વર્ષના બાળકની બાળ જેવી માયા મૂર્તિમાં પ્રતિબિંબિત થશે. રામલલાની મૂર્તિમાં ઉત્તર અને દક્ષિણ ભારતનો સમાવેશ જોવા મળશે.