આગામી દિવસોમાં ઠંડીનો ચમકારો વધવાની આશંકા, હૃદયના દર્દીઓએ વધારે રાખવી સાવચેતી

શિયાળાની ઋતુ હોવા છતાં આ વખતે અપેક્ષા મુજબ ઠંડી પડી નથી. પરંતુ આગામી દિવસોમાં ઠંડીનો ચમકારો વધવાની આશંકા છે ત્યારે હૃદયના દર્દીઓએ વધુ સાવચેતી રાખવાની જરૂર છે. કડકડતી ઠંડીમાં હાર્ટ એટેકના કેસમાં 15 ટકાનો વધારો થતાં લોકોએ સાવચેતી એ જ શાણપણ છે એવો મંત્ર અપનાવવો પડશે. ઉપરાંત, તબીબી નિષ્ણાતો ડાયાબિટીસ, બ્લડ પ્રેશર, કિડનીની સમસ્યાવાળા લોકોને ઠંડા પવનો ફૂંકાય ત્યારે સવારે ચાલવાનું ટાળવાની સલાહ આપી રહ્યા છે.

સામાન્ય રીતે, શિયાળો ઠંડો હોય છે, ઉનાળો ગરમ હોય છે અને ચોમાસામાં વરસાદ હોય છે. પરંતુ અલ નીનોની અસરને કારણે ઋતુઓ બદલાતી રહે છે. આ વખતે શિયાળો અપેક્ષા મુજબ નથી. પરંતુ છેલ્લા ત્રણ દિવસથી અમદાવાદ સહિત રાજ્યમાં ઠંડીમાં વધારો થયો છે. સવારના સમયે ઠંડો પવન પણ ફૂંકાઈ રહ્યો છે અને આગામી દિવસોમાં ઠંડીમાં વધારો થવાની સંભાવના છે.

મતલબ કે આગામી દિવસોમાં ઠંડી તેનું સાચું સ્વરૂપ બતાવી શકે છે. પછી આવા ઠંડા વાતાવરણ કે શિયાળામાં હાર્ટ એટેકના કેસ 15 ટકા વધી જાય છે. છેલ્લા કેટલાક દિવસોથી હાર્ટ એટેકના કેસમાં વધારો થયો છે, હાર્ટ એટેકથી યુવાનોના મોતના કિસ્સાઓ પણ સામે આવી રહ્યા છે. ત્યારે યુવાનોમાં હાર્ટ એટેકનું પ્રમાણ પણ આરોગ્ય તંત્ર માટે ચિંતાનો વિષય બન્યો છે.

શિયાળામાં લોકો સવાર-સાંજ ચાલવા જાય છે. ચાલવાથી રક્તવાહિનીઓ પર દબાણ આવે છે. જે લોકોના શરીરમાં પહેલાથી જ બ્લોકેજ હોય ​​છે, તેઓ જ્યારે ચાલે છે ત્યારે હૃદય સુધી ઓછું લોહી પહોંચે છે, જેના કારણે દબાણ વધે છે. તે સમયે હાર્ટ એટેકની શક્યતા વધી જાય છે. તેથી ડાયાબિટીસ, બ્લડપ્રેશર, કિડનીની સમસ્યાથી પીડિત લોકોએ મોર્નિંગ વોક કરવાનું ટાળવું જોઈએ.