Ram Mandir Ayodhya: હૈદરાબાદથી અયોધ્યા પહોંચ્યો 1265 કિલોનો લાડુ, આજે રામ મંદિર પ્રાણ પ્રતિષ્ઠા વિધિનો 5મો દિવસ

Ram Mandir Ayodhya: ઉત્તર પ્રદેશના અયોધ્યા જિલ્લામાં બની રહેલા ભવ્ય રામ મંદિરના પ્રાણ પ્રતિષ્ઠાના સમારોહ માટે હૈદરાબાદથી 1265 કિલો લાડુનો પ્રસાદ અયોધ્યા પહોંચ્યો છે. આ લાડુ તૈયાર કરવા વાળા શ્રીરામ કેટરિંગ સર્વિસના એન નાગભૂષણમે કહ્યું કે ભગવાને મારા પરિવાર અને બિઝનેસને આશીર્વાદ આપ્યા છે. મે પ્રતિજ્ઞા કરી હતી કે જ્યાં સુધી હું જીવતો છું, ત્યાં સુધી દરરોજ એક કિલો લાડુ બનાવીશ. હું ફૂડ સર્ટિફિકેટ પણ લાવ્યો છું. આ લાડુ એક મહિના સુધી ટકી શકે છે. 25 લોકોએ 3 દિવસ સુધી લાડુ બનાવ્યા છે.

7 દિવસ સુધી ચાલનારા ધાર્મિક અનુષ્ઠાનનો આજે 5મો દિવસ

સૂત્રો પાસેથી પ્રાપ્ત જાણકારીના અનુસાર, ભવ્ય રામ મંદિરમાં 7 દિવસ સુધી ચાલનારા ધાર્મિક અનુષ્ઠાનનો આજે 5મો દિવસ છે. રામ મંદિરના ગર્ભગૃહમાં રામલલાની મૂર્તિને બુધવારે સ્થાપના કરવામાં આવી હતી. આજે ગર્ભગૃહને સરયુ નદીના પાણીથી ધોવામાં આવશે. જે પછી "વાસ્તુ શાંતિ" અને 'અન્નધિવાસ' વિધિ થશે. વૈદિક વિધિઓ અનુસાર, આકાશ, જળ, પૃથ્વી, અગ્રી અને વાયુ માંથી પ્રાપ્ત કરવા માટે 'વાસ્તુ શાંતિ' કરવામાં આવે છે, જેનું વાસ્તુશાસ્ત્રમાં મહત્વ છે. વાસ્તુ શાંતિ તે બધા દોષોને દૂર કરવા માટે કરવામાં આવે છે, જે વાસ્તુ પૂજા (18મી જાન્યુઆરીએ આયોજિત) પછી પણ નવા ઘરમાં રહી શકે છે.

રામલલાની ફોટોને લઈને થઈ રહ્યો હોબાળો