Ram Mandir: PM મોદીએ શેર કર્યો અયોધ્યા મુલાકાતનો વીડિયો, કહ્યું- ગઈકાલે જે પણ જોયું તે હંમેશા યાદોમાં રહેશે

Ram Mandir: અયોધ્યાના રામ મંદિરમાં પ્રાણ પ્રતિષ્ઠાને લઈને દેશભરમાં ઉત્સાહ અને આનંદનો માહોલ છે. સોમવારે હજારો લોકોની ભીડ અયોધ્યા પહોંચી હતી અને ભક્તિમય વાતાવરણમાં લીન રહી હતી. દરેક વ્યક્તિ ઈતિહાસની આ મોટી ઘટનાને પોતાની આંખોથી જોવા ઈચ્છતો હતો. હવે વડાપ્રધાન નરેન્દ્ર મોદીએ પોતે એક વીડિયો શેર કર્યો છે, જેમાં અયોધ્યાના રામ મંદિરમાં પ્રાણ પ્રતિષ્ઠા કાર્યક્રમને વિગતવાર બતાવવામાં આવ્યો છે.

PM મોદીએ શેર કરેલા વીડિયોમાં શું?

પીએમ દ્વારા શેર કરવામાં આવેલા આ વીડિયોમાં તેમણે લખ્યું છે કે, "અયોધ્યામાં અમે ગઈકાલે જે જોયું તે આવનારા ઘણા વર્ષો સુધી અમારી યાદોમાં રહેશે." પીએમના આ વીડિયોમાં ભક્તોની ભાવનાઓ અને કાર્યક્રમમાં ભાગ લેનાર સેલિબ્રિટીઓની પ્રાર્થના અને ભાવનાઓ પણ દર્શાવવામાં આવી છે. વીડિયોની શરૂઆતમાં અયોધ્યાના ભવ્ય મંદિર પર ફૂલોની વર્ષા દર્શાવવામાં આવી છે, ત્યારબાદ વડાપ્રધાન મોદી હાથમાં પૂજા સામગ્રી સાથે મંદિરની અંદરના ગર્ભગૃહમાં પ્રવેશતા જોવા મળે છે. આ વીડિયોમાં પીએમને રામલલાની સામે ધાર્મિક વિધિ કરતા જોઈ શકાય છે.