Streams in Alaska: અલાસ્કામાં નદીઓનો રંગ થયો નારંગી, વૈજ્ઞાનિકો આ અજાણ્યા ફેરફારથી આશ્ચર્યચકિત

Streams in Alaska: યુનિવર્સિટી ઓફ અલાસ્કા એન્કરેજના ઇકોલોજિસ્ટ પેટ્રિક સુલિવાને કહ્યું કે અહીં ક્યાંકથી ભયંકર પ્રદૂષણ થઈ રહ્યું છે. અમે કારણ શોધવાનો પ્રયાસ કરી રહ્યા છીએ. પેટ્રિક તેની ટીમ સાથે નદીઓના કિનારે મુસાફરી કરી રહ્યો છે. ભૂરા રીંછના હુમલાથી પોતાને બચાવવા માટે તે હંમેશા પોતાની સાથે ગ્લોક પિસ્તોલ રાખે છે.

જ્યારે પેટ્રિકે આ નદીઓના પાણીના pHનું પરીક્ષણ કર્યું, ત્યારે તેમને જાણવા મળ્યું કે ઓક્સિજનનું લેવલ ઘણું ઓછું છે. pH લેવલ 6.4 છે, તે કોઈપણ સામાન્ય નદીના પાણી કરતાં 100 ગણું વધુ એસિડિક બની ગયું છે. સલ્ફ્યુરિક એસિડનું પ્રમાણ દેખાય છે. તેમાં આયર્નનું પણ વધુ પ્રમાણ મળી આવ્યું છે. આ પાણી હવે પીવાલાયક રહ્યું નથી.

અહીંની સૌથી મોટી નદી સૅલ્મોન નદી છે. જેમાંથી સેંકડો પ્રવાહો આ ખીણમાં ફેલાયેલા છે. અહીં 1000 કિલોમીટર લાંબા શિખરો છે. જેના પર બરફ જામેલો રહે છે. તે અમેરિકાની એવી નદીઓમાં સામેલ છે, જ્યાં માનવ પ્રવેશ ખૂબ જ ઓછો છે. તેથી અહીં પ્રદૂષણની શક્યતા ઓછી છે. પરંતુ નદીનો રંગ કેસરી હોવાથી વૈજ્ઞાનિકો ચિંતિત છે.

1980ના દાયકામાં અહીંનું પાણી ક્રિસ્ટલ ક્લિયર હતું. તળેટી પણ જોઈ શકાતી હતી. તેમાં ગુલાબી રંગની સૅલ્મોન માછલીઓ સ્વિમિંગ કરતી જોવા મળી હતી. પરંતુ હાલમાં આ નદીનો એક તૃતીયાંશ ભાગ એટલે કે નદીની લગભગ 110 કિલોમીટર લંબાઈનો રંગ નારંગી થઈ ગયો છે. નદીના ઓછામાં ઓછા 75 પ્રવાહોએ તેમનો રંગ બદલ્યો છે.