Snowfall in Kashmir: કાશ્મીરમાં શરૂ થઈ ગઈ છે હિમવર્ષા, જૂઓ સેટેલાઇટ તસવીરો

OSINT એ સેટેલાઈટ ઈમેજીસ દ્વારા તપાસ કરીને આ મોસમી ફેરફાર શોધી કાઢ્યો છે. યુરોપીયન સ્પેસ એજન્સી તરફથી સેટેલાઇટ ફોટા મળ્યા છે. શ્રીનગર સ્થિત ભારતીય હવામાન વિભાગ (IMD) અનુસાર, ગુલમર્ગમાં 10 સેન્ટિમીટર અથવા 4 ઇંચ હિમવર્ષા થઈ છે. ગુલમર્ગથી 2 કિલોમીટર પૂર્વમાં 2652 મીટરની ઉંચાઈએ વચ્ચે-વચ્ચે વરસાદ પડી રહ્યો છે.

ગુલમર્ગનો સ્કી રિસોર્ટ પીર પંજાલ રેન્જમાં છે. જે શ્રીનગરથી 50 કિલોમીટર અને LOCથી 20 કિલોમીટર દૂર છે. આ રિસોર્ટમાં 1330 વર્ટિકલ મીટર એટલે કે 4363 ફૂટ ઊંચો સ્કીબલ ટેરેન છે. આ સ્થળ ગુલમર્ગના ગોંડોલા માટે પ્રખ્યાત છે. તે 13057 ફૂટની ઊંચાઈએ પહોંચે છે. અગાઉ અહીં બરફ ન હતો, જેના કારણે સ્કીઅર્સ અને પ્રવાસીઓ નાખુશ હતા. પરંતુ હવે ફરી બરફવર્ષા થતાં લોકો ત્યાં મસ્તી કરતા જોવા મળી રહ્યા છે.

મધ્ય કાશ્મીરના ગાંદરબલ જિલ્લાના સોનમર્ગમાં પણ સપ્તાહના અંતે હિમવર્ષા થઈ હતી. સેટેલાઇટ ડેટા દર્શાવે છે કે સોનમર્ગમાં 30 કિલોમીટરના વિસ્તારમાં હિમવર્ષા થઈ છે. બીજી તરફ પહેલગામમાં પણ સારી એવી હિમવર્ષા થઈ છે. પરંતુ માત્ર ઊંચાઈવાળા વિસ્તારોને જ ફાયદો થયો છે. ખીણમાં બરફ પહોંચ્યો નથી. પહેલગામમાં નેચરલ આઈસ ક્લાઈમ્બીંગ વોલ કોમ્પીટીશન યોજાઈ હતી.

9186 ફૂટની ઊંચાઈએ આવેલા થાજીવાસ ગ્લેશિયરમાં પણ આવી જ સ્થિતિ છે. ત્યાં પણ હિમવર્ષા થઈ છે. અગાઉ એવું જાણવા મળ્યું હતું કે કાશ્મીરમાં 79 ટકા ઓછી હિમવર્ષા થઈ છે. પરંતુ હવે ધીમે ધીમે હવામાન બદલાઈ રહ્યું છે. જમ્મુ-કાશ્મીરના ઘણા વિસ્તારોમાં 3-4 ફેબ્રુઆરી સુધી મધ્યમ હિમવર્ષા થવાની સંભાવના છે.

આ પણ વાંચો - Hanuman Flag Controversy In Karnataka: કર્ણાટકમાં હનુમાન ધ્વજ પર કેમ હંગામો, શું કહી રહી છે ભાજપ, આરોપો પર કોંગ્રેસ સરકારે શું કહ્યું?