1 કિલો ગાંજો લઈને સ્કૂલ પાસે વેચી રહી બે મહિલા ડ્રગ્સ પેડલર, નોઈડા પોલીસે દરોડો પાડીને કરી ધરપકડ

પોલીસ જિલ્લામાં નશીલા પદાર્થોનો સપ્લાય કરતા લોકો સામે સતત કાર્યવાહી કરી રહી છે. હવે ગુરુવારે પોલીસની ટીમે એક સ્કૂલ નજીકથી બે મહિલાઓની નશીલી દવાઓની દાણચોરીના આરોપમાં ધરપકડ કરી છે. પોલીસે મહિલાઓ પાસેથી મોટી માત્રામાં ગાંજો જપ્ત કર્યો છે.

1 કિલો ગાંજો ઝડપાયો, પોલીસ

પોલીસ અધિકારીએ જણાવ્યું કે નોઈડાની બિસરાખ પોલીસે નયા હૈબતપુર ગામની એક પ્રાઈવેટ સ્કૂલ પાસે મહિલાઓને ડ્રગ્સ સાથે પકડી છે. ધરપકડ કરાયેલી મહિલાઓની ઓળખ 30 વર્ષની કમલા અને 35 વર્ષની રોશના તરીકે થઈ છે. બન્ને નોઈડાના સ્થાનિક રહેવાસી છે. મહિલાઓ પાસેથી પોલીસની ટીમે એક કિલોથી વધુ ગાંજો જપ્ત કર્યો હતો.

અધિકારીએ જણાવ્યું કે ધરપકડ કરાયેલી બે મહિલાઓ સામે બિસરાખ પોલીસ સ્ટેશનમાં નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટની કલમો હેઠળ FIR નોંધવામાં આવી છે અને તપાસ શરૂ કરવામાં આવી છે.