નાની બચત યોજનાઓ પર સરકારની મોટી જાહેરાત, આ સ્કીમના વ્યાજ દરોમાં થયો વધારો

Small Saving Schemes: તહેવારોની સિઝન પહેલા મોદી સરકારે સ્મોલ સેવિંગ્સ સ્કીમમાં રોકાણ કરનારાઓને ભેટ આપી છે. સરકારે ઓક્ટોબરથી ડિસેમ્બર ક્વાર્ટર માટે સ્મોલ સેવિંગ્સ સ્કીમ્સ (Small Savings Schemes) પર વ્યાજ દરોની જાહેરાત કરી છે. સરકારે 5 વર્ષની રિકરિંગ ડિપોઝિટ (RD) પર વ્યાજ દરમાં વધારો કર્યો છે. જો કે, એક સ્કીમ સિવાય કોઈપણ સ્કીમના વ્યાજ દરમાં કોઈ ફેરફાર કરવામાં આવ્યો નથી.

5 વર્ષના આરડી પર 20 બેસિસ પોઈન્ટ એટલે કે 0.20 ટકાનો વધારો થયો છે. 5 વર્ષના RD પર વ્યાજ દર 6.5 ટકાથી વધારીને 6.7 ટકા કરવામાં આવ્યો છે. આ નવા દરો 1 ઓક્ટોબરથી 31 ડિસેમ્બર સુધી લાગુ રહેશે. વરિષ્ઠ નાગરિક બચત યોજના (SCSS), રાષ્ટ્રીય બચત પ્રમાણપત્ર (NSC), પીપીએફ (PPF), કિસાન વિકાસ પત્ર (KVP) અને સુકન્યા સમૃદ્ધિ યોજના (SSY) માં રોકાણ પર વ્યાજ મળવાનું ચાલુ રહેશે.

નાણા મંત્રાલય દ્વારા શુક્રવારે જારી કરાયેલા પરિપત્ર મુજબ બચત થાપણો પર 4 ટકા અને એક વર્ષની સમયની થાપણો પર 6.9 ટકા વ્યાજ પહેલાની જેમ જ મળતું રહેશે. 2 વર્ષ અને 3 વર્ષની ટાઈમ ડિપોઝીટ પર 7 ટકા જ્યારે 5 વર્ષની ડિપોઝીટ પર 7.5 ટકા વ્યાજ મળે છે. સિનિયર સિટીઝન સેવિંગ્સ સ્કીમ પર 8.2 ટકા વ્યાજ મળતું રહેશે. એમઆઈએસ સ્કીમ પર વ્યાજ 7.4 ટકા છે જ્યારે એનએસસી પર તે 7.7 ટકા છે અને પીપીએફ સ્કીમ પર 7.1 ટકા છે. કેવીપી પર વ્યાજ દર 7.5 ટકા છે અને તે 115 મહિનામાં પરિપક્વ થશે. સુકન્યા સમૃદ્ધિ એકાઉન્ટ પર વ્યાજ દર 8 ટકા યથાવત રાખવામાં આવ્યો છે.

Market Outlook: વધારાની સાથે ઑક્ટોબર સીરીઝની એન્ટ્રી, જાણો સોમવારના કેવી રહી શકે છે બજારની ચાલ