Life Certificate: હવે લાઈફ સર્ટિફિકેટ આપવા માટે બેન્ક જવાની નહીં પડે જરૂર, 70 રૂપિયા ભરીને ઘરે બેસીને પૂર્ણ થશે કામ

Life Certificate: નવેમ્બર મહિનો શરૂ થઇ ગયો છે. દેશભરના કરોડો પેન્શનરો અને વરિષ્ઠ નાગરિકો માટે આ મહિનો ખૂબ જ મહત્વપૂર્ણ છે. નિયમો અનુસાર દરેક વ્યક્તિએ આ મહિને તેમનું જીવન પ્રમાણપત્ર એટલે કે ડિજિટલ જીવન પ્રમાણપત્ર સબમિટ કરવું પડશે. કેન્દ્ર સરકારના નિયમો અનુસાર પેન્શનધારકો જેમની ઉંમર 80 વર્ષથી વધુ છે તેમને 1 ઓક્ટોબરથી 30 નવેમ્બર સુધી તેમનું જીવન પ્રમાણપત્ર જમા કરાવવાની તક મળી રહી છે. 60 વર્ષથી વધુ ઉંમરના લોકોને 1 નવેમ્બરથી 30 નવેમ્બરની વચ્ચે તેમનું જીવન પ્રમાણપત્ર જમા કરાવવાની તક મળી રહી છે.

70 રૂપિયામાં કામ થશે

આપને જણાવી દઈએ કે કોઈપણ પેન્શનર ઈન્ડિયા પોસ્ટ પેમેન્ટ્સ બેન્કની ડોરસ્ટેપ સર્વિસ દ્વારા જીવન પ્રમાણપત્ર ડિજિટલ રીતે સબમિટ કરી શકે છે. આ એક પ્રકારની પેઇડ સર્વિસ છે અને તે તમામ પેન્શનરોને માત્ર રૂપિયા 70ના ખર્ચે ઉપલબ્ધ છે. આ સર્વિસનો લાભ લેવા માટે, પેન્શનરોએ ઈન્ડિયા પોસ્ટ પેમેન્ટ્સ બેન્ક (IPPB) ખાતું જાળવવાની જરૂર નથી. તમારું પેન્શન ગમે તે બેન્ક ખાતામાં આવે, તમે આ સુવિધાનો લાભ લઈ શકો છો.

ડોર સ્ટેપ બેન્કિંગ દ્વારા જીવન પ્રમાણપત્ર સબમિટ કરવા માટે શું કરવું તે જાણો