Health Insurance claim tips: ઈન્શ્યોરન્સ ક્લેમ માટે હોસ્પિટલમાં 24 કલાક એડમિટ રહેવાની જરૂર નથી, માત્ર 2 કલાકની સારવારમાં જ ક્લેમ થશે પાસ

Health Insurance claim tips: હેલ્થ ઈન્શ્યોરન્સ લીધા બાદ ક્લેમ સ્ટેટમેન્ટ સંબંધિત શરતો સૌથી મહત્વની હોય છે, 24 કલાક હોસ્પિટલમાં ભરતી થવાની શરત. સામાન્ય રીતે મોટાભાગના હેલ્થ ઈન્શ્યોરન્સમાં આ શરત હોય છે કે, ક્લેમ માટે ઓછામાં ઓછા 24 કલાકનું હોસ્પિટલાઈઝેશન જરૂરી છે. જો કે, આવું જરૂરી નથી કે કોઈ બિમારી માટે પૂરો એક દિવસ હોસ્પિટલમાં ભરતી રહેવું પડે. કેટલીક બીમારીઓ કે સમસ્યાનો ઈલાજ 2થી 5 કલાકમાં પણ થઈ જાય છે.

હવે એવું નથી કે 24 કલાક હોસ્પિટલમાં ભરતી રહેવા પર જ તમને ક્લેમ મળશે. બજારમાં હવે એવા હેલ્થ પ્લાન પણ આવી ગયા છે, જેમાં ક્લેમ મેળવવા માટે 24 કલાક સુધી હોસ્પિટલમાં એડમિટ રહેવાની જરૂર નથી. આવો વિસ્તારમાં જાણીએ.

2 કલાક દાખલ રહેવા પર પણ મળશે ક્લેમ

વાસ્તવમાં, હવે આવી રહેલી કેટલીક હેલ્થ ઈન્શ્યોરન્સ પોલિસીઓમાં 24 કલાક નહીં પરંતુ, 2 કલાક હોસ્પિટલાઈઝેશનનો ટાઈમ મળી રહ્યો છે. એવામાં તમે 2 કલાક સુધી હોસ્પિટલમાં ભરતી રહેવા પર પણ ક્લેમ કરી શકો છો. એટલા માટે પોલિસી પહેલા પોલિસીની શરતો વિશે સારી રીતે સમજી લેવું જોઈએ કે, શું આમાં ડે કેર ટ્રીટમેન્ટની સુવિધા સામેલ છે.