Rupees 2000 Notes Exchange: બેન્કની શાખામાં જઈને 2,000ની નોટ બદલવા માટે માત્ર 4 દિવસ બાકી, આવતા અઠવાડિયા પહેલા આ કામ તાત્કાલિક કરો પૂર્ણ

Rupees 2000 Notes Exchange: ભારતીય રિઝર્વ બેન્ક (RBI)એ એક પરિપત્ર જારી કરીને 2000 રૂપિયાની નોટને ચલણમાંથી પાછી ખેંચી લેવાની જાહેરાત કરી હતી. તેમજ લોકોને તેમની 2000 રૂપિયાની નોટો બદલવા માટે 30 સપ્ટેમ્બર સુધીનો સમય આપવામાં આવ્યો હતો. હવે તેને 30મી સપ્ટેમ્બરે પૂર્ણ થવામાં માત્ર એક સપ્તાહ બાકી છે. તેમાં પણ તહેવારને કારણે એક-બે દિવસ બેન્કો બંધ રહેશે. આવી સ્થિતિમાં લોકો પાસે નોટો બદલવા માટે બેન્ક શાખામાં જવા માટે માત્ર 4 થી 5 દિવસ બાકી છે. આવી સ્થિતિમાં, બેન્કોમાં રજાઓની સૂચિ તપાસવી અને તમારી રૂપિયા 2,000ની નોટો વહેલી તકે બદલી લેવી યોગ્ય રહેશે. નહિંતર તમને પછીથી સમસ્યાઓનો સામનો કરવો પડી શકે છે.

2000 રૂપિયાની નોટ જલ્દી બદલાવી લો

RBIએ કહ્યું હતું કે 2000 રૂપિયાની નોટ 30 સપ્ટેમ્બર સુધી માન્ય રહેશે. 2000ની નોટનો ઉપયોગ કરવા માટે માત્ર 30 સપ્ટેમ્બર સુધીનો સમય છે. સપ્ટેમ્બરમાં બેન્કોની રજાઓને ધ્યાનમાં રાખીને લોકોએ 2000 રૂપિયાની નોટ સમયસર બદલી લેવી જોઈએ. નવેમ્બર 2016માં 2000 રૂપિયાની નોટ ચલણમાં લાવવામાં આવી હતી. ત્યારબાદ નોટબંધી દરમિયાન રૂપિયા500 અને રૂપિયા1000ની જૂની નોટો બંધ કરવામાં આવી હતી.

સપ્ટેમ્બર માસ પૂરો થવામાં માત્ર એક સપ્તાહ બાકી છે