YONO SBI: SBI એ NRI કસ્ટમર્સ માટે નવી સર્વિસ કરી શરૂ, YONO દ્વારા ઓનલાઇન જ એકાઉન્ટ થઈ શકશે ઓપન

YONO SBI: ભારતની સૌથી મોટી બેન્ક સ્ટેટ બેન્ક ઓફ ઈન્ડિયા (SBI) એ તેના NRI કસ્ટમર્સ માટે એક નવી સર્વિસ શરૂ કરી છે . SBI ના NRI કસ્ટમર્સ હવે NRI અને NRO સેવિંગ અને કરન્ટ એકાઉન્ટ્સ તેમની YONO એપ દ્વારા ડિજિટલ રીતે ખોલી શકશે. આ સુવિધા NTB અથવા બેન્કના નવા કસ્ટમર્સ માટે તેમના માટે એકાઉન્ટ ખોલવાની પ્રોસેસને સરળ બનાવવા માટે બનાવવામાં આવી છે. આના દ્વારા હવે SBIના NRI અને NRO કસ્ટમર્સ ઘરે બેસીને ખૂબ જ સરળતાથી તેમનું એકાઉન્ટ ઓનલાઈન ખોલી શકશે.

SBIના કસ્ટમર્સ ઘરે બેસીને તેમનું એકાઉન્ટ ખોલાવી શકશે

SBIની આ ડિજીટલ સર્વિસ શરૂ થવાથી NRI કસ્ટમર્સ ઘરે બેસીને તેમનું NRO અથવા NRO એકાઉન્ટ ખોલાવી શકશે. જેથી તેમને ભારતમાં એકાઉન્ટ ખોલાવવા માટે અહીં આવવાની જરૂર નહીં પડે. આ સર્વિસની શરૂઆત પર બોલતા, બેન્કના ડીએમડી અને ડિજિટલ બેન્કિંગના ચીફ નીતિન ચુગે કહ્યું કે આ પગલા દ્વારા બેન્ક તેના NRI કસ્ટમર્સ માટે ખાતા ખોલવાની પ્રોસેસને ઝડપી અને સરળ બનાવવા માંગે છે.

Yono એપ દ્વારા NRI અથવા NRO એકાઉન્ટ ખોલી શકશે