બેંગલુરુમાં ભાડા પર મકાન મેળવવું મુશ્કેલ, મકાનમાલિકો સારી કોલેજમાંથી ભણેલાને જ આપવા માંગે છે ફ્લેટ

ભારતમાં માતા-પિતા તેમના બાળકોને સારી કારકિર્દી માટે ઉચ્ચ અભ્યાસ કરવા પ્રોત્સાહિત કરે છે. હવે ઉચ્ચ અભ્યાસ અને સારી નોકરીએ મકાન ભાડે રાખવામાં પણ મદદ કરવાનું શરૂ કર્યું છે. બેંગ્લોરમાં મકાનમાલિકો એવા ભાડૂતોને તેમના ઘરો ભાડે આપવા આતુર છે કે જેઓ તેજસ્વી શૈક્ષણિક પૃષ્ઠભૂમિ ધરાવે છે અને સારા પગારવાળી નોકરી ધરાવે છે. અમિત ગુપ્તા નામના એક ઉદ્યોગસાહસિકે ટ્વીટ કર્યું, "બાળકો, તમારા અભ્યાસ પર વધુ ધ્યાન આપો નહીંતર તમને ભવિષ્યમાં ભાડા પર એપાર્ટમેન્ટ નહીં મળે."

સારી કોલેજમાં ભણ્યા પછી મળે છે સારી નોકરી

Nestaway Technologiesના સહ-સ્થાપક અને CEO અમરેન્દ્ર સાહૂએ જણાવ્યું હતું કે પ્રતિષ્ઠિત સંસ્થાઓમાંથી ભણાવતા લોકોને ઊંચા પગારવાળી નોકરીઓ મળવાની શક્યતા વધુ હોય છે. આ કારણે તેઓ ઉચ્ચ આવકની શ્રેણીમાં આવે છે. આવા લોકોને તેમની પસંદગીનું એપાર્ટમેન્ટ કે મકાન મળવાની શક્યતાઓ વધી જાય છે. તેમણે કહ્યું કે મકાનમાલિકોને લાગે છે કે જે ભાડૂતો આર્થિક રીતે મજબૂત છે તેઓ વધુ ભાડું ચૂકવી શકે છે. આ ધારણા સાવ ખોટી નથી. પ્રતિષ્ઠિત સંસ્થાઓમાંથી સ્નાતકો માટે કારકિર્દીની સંભાવનાઓ વધુ સારી છે. આવી સ્થિતિમાં તેમને સારા પગારની નોકરી મળવાની શક્યતા વધી જાય છે.

મકાનમાલિક પૂછે છે 10મા અને 12મા માર્કસ