પ્રોપર્ટી ગુરુ: ગુજરાતમાં હોમલોન ડિઝબર્ઝમેન્ટમાં થયો વધારો

સવાલ -

પહેલો ગ્રાહક 40 લાખ રૂપિયાનું ઘર ખરીદે છે તો તે 2.40 લાખની સ્ટેમ્પડયુટી ચુકવે છે, એટલે કે એને ઘર 42.40 લાખમાં મળે છે. હવે 10 વર્ષ પછી જ્યારે આ ઘર 60 લાખમાં વેચીએ તો બીજો બાયર ફરી 3.60 લાખ રૂપિયાની સ્ટેમ્પ ડ્યુટી ચુકવે છે. તો આ કેસમાં સરકારને 6 લાખ રૂપિયાની સ્ટેમ્પડ્યુટી મળે છે. જે પ્રોપર્ટીની કિંમતના 10 ટકા છે. સરકાર પહેલા ચુકવાયેલી સ્ટેમ્પ ડયુટી બાદ કરીને બાકીની રકમ જ કેમ નથી લેતી?

જવાબ -

ડાયરેક્ટ ટેક્સ સરકારની આવકનો મોટો ભાગ છે. સરકારને વિવિધ ખર્ચ માટે ટેક્સની આવકની જરૂર છે. સરકાર ટેક્સ ઘટાડે તો GDP પર માઠી અસર આવશે. સરકાર માટે ટેક્સની આવક જરૂરી છે.

સવાલ -

6 વર્ષ પહેલા 4 વર્ષ જુનો ફ્લેટ ખરીદ્યો હતો. હાલ 45 ટકા અપ્રિસિયેશન મળી રહ્યું છે. તો 10 વર્ષ જુની આ પ્રોપર્ટી વેચી દેવી જોઇએ કે રાહ જોવી જોઇએ

જવાબ -

તમે આ ફ્લેટ સેલ કરી, તમારૂ રોકાણ કોઇ નવા પ્રોજેક્ટમાં ફેરવી શકો છો.

સવાલ -

મારા માતાપિતા જો મારા નામે પ્રોપર્ટી ટ્રાન્સફર કરે, તો તેમા મારા ભાઇ બહેન વાંધો ઉઠાવી શકે?

જવાબ -

તમારા ભાઇ બહેન માતાપિતાની પ્રોપર્ટીમાં સરખાભાગની માંગણી કરી શકે છે. તમારા માતા પિતા વીલમાં આ ઘર તમને આપી શકે છે. એ વીલ પ્રમાણે ભવિષ્યમાં તમે ઘર તમારે નામે કરાવી શકશો. તમારે વકીલની સલાહ લઇ આગળ વધવુ હિતાવહ રહેવું જોઇએ.

સવાલ -

હોમ અસેસ્ડ વેલ્યુ, માર્કેટ વેલ્યુથી અલગ કેમ હોય છે? શું મારે બાયરને ક્લોઝિંગ કોસ્ટ પે કરવી પડશે?

જવાબ -

અસેસ્ડ વેલ્યુ સરકારના સર્કલ રેટ પર નિર્ભર હોય છે. સર્કલ રેટ એટલે કે જંત્રી રેટ થયા છે. માર્કેટ રેટ અને સર્કલ રેટમાં તફાવત હોય શકે છે. સ્ટેમ્પ ડ્યુટી, રજીસ્ટ્રેશન ચાર્જ ડોક્યુમેન્ટ જે રકમ હશે એ મુજબ લાગશે. બાયર્સે તમામ એડીશનલ ખર્ચ ભોગવવાના હોય છે. સ્ટેમ્પ ડ્યુટી, રજીસ્ટ્રેશન ખરીદારે ભરવાના થાય છે.